"Wow, so schnäll gönd 15 Jahr ume", dänk ich mir und blände für en chline Augeblick zrugg uf mini erschte Erläbnis mit de GvC und uf das, was i de letschte Jahr alles so passiert isch. Wie mir vo de Stadt uf Hegi cho sind, es Zirkuszält kauft gha händ oder wie Wahnsinnigi glaubt händ, dass es Gebäude mit 1280 Sitzplätz mal euses Dihei wärde chönnt. Ich erinnere mich dra, wie mir de Jugendgottesdienscht im Seminarrum gstartet händ (wo do no GvC Church) gheisse hät, wie mir i de Cafeteriä une amis die Gireitsi ufghänkt händ bim Infodesk oder wie mir eus de Chopf drüber zerbroche händ, öb mer jetzt de Gottesdienscht im Zält sölled mache oder nöd?! Eifach krass!!!! Wunder um Wunder um Wunder um Wunder hät Gott die Chile gfüehrt und mit eus zäme meh gmacht, als ich mich je hetti getraut z'troime... Wänn das kein Grund zum fiire isch! 

Drum stiigt am 4. Juli euses grosse GvC-Geburtstagsfäscht mit Generatione-Gottesdienscht am Morge, Fäschtbetrieb am Namitag und Birthday-mychurch am Abig... E riise Party zum fiire, was Gott mit eus gmacht hät.

Sommerfest 2010 - 50 Jahre GvC