...ha letscht Wuche i minere smallgroup e lässigi Anekdote ghört. Seit doch in allem Ernscht en Schuelkolleg zu eusem Smallgroupler "Seisch dim Fründ en liebe Gruess und Merci, dass mer wäg ihm so viel frei händ..." *lol*. Was, nöd drus cho? Jaja, isch eine zum studiere. Aber so Gschichte bringed mich immer zum Naadänke über die Fäschttäg, wo eus s'ganze Jahr dur so begleited. E einzigartigi Tradition, wos scho zur Ziit vom Alte Teschtamänt so gläbt händ. Mään, das sind dänn no Fäschtbrüedere (und Schwöschtere) xi. Aber näbed frei und Party händ die Fäschtäg no öppis anders Guets! Sie errinered eus jedes Jahr a die wichtigschte Events vo de Wältgschicht. Oder wer vo eu wüssti suscht no, was vor 2000 Jahr passiert isch?! Mis Programm a dene Pfingschte also: Mal en ruhige Momänt sueche und wieder Mal naläse was a dene Pfingschte do passiert isch, und du? E unglaublichi Story, wo's bestimmt wärt isch jedes Jahr ufs Neue gläse z'werdä...

Hey und nöd vergässe, a de Pfingschte sind d'Türe vo de mychurch für eimal gschlosse. Es isch also Vorfreud uf nöchscht Wuche axeit... cu soon