by reto
4. Juni 2010 09:20
es git ganz bsunderi Momänt im Läbe vome Chrischt. Für mich sinds die Momänt, wo mir Energie, Muet und Glaube gäbed, au wänn mer mal en Momänt lang nüme viel vo Gott ghört... Mich hät e Ziile vome Song nomal ganz neu packt, obwohl mir sie scho hunderti Mal gsunge händ: "I see a generation rising up to take their place", "Ich xehn e Generation, wo ufstaht und ihren Platz inimmt". Und dänn lueg ich ume und xeh 3000 (vor allem) jungi Manne und Fraue, wo ihres Härz gäge use cheräd und dem Gott über zwei Stund us ganzer Seel und ganzer Kehl(ä) ;-) die Lieder voll Glaube, Entscheidig und Erwartig zuesinged. Jawohl, wänn mir ufstönd, Gott euses Läbe hiigäbed und bereit sind au in Schwierigkeite durezhebä, dänn isch gar nüüt unmöglich! Und dänn chunnt au i mir ine die liisligi Stimm wo seit: "Aber das isch doch nume en Hype xi hüt!". Mini Antwort zu mir sälber: "Und wänn au... Mich begeischterets zum drablibe und Vollgas gäh und das isch doch, was Gott möcht"... Also mychurch, las eus zäme ufstah und euse Platz inäh!